Di Antonio Marchi Soru
Eris a bortaudie ch’est crompiu a bidda, cun sa muzere e sa fiza, Carmelo Cicalò, ghiradu dae Siena pro traballu uve at apertu un’atividade e in prus, cumente a sempère, est proponende sos “produtos” de sa logu nostru e de ateros logos de Sardigna.
M’at batidu in Donu su libru de Photographias de Marco Cheli e Eleonora Mainò, chi l’at azudadu e iscritu paris su “Testu” chi una note de Ghennarju in Zagabria m’at mandadu pro lios bortare in Sardu pro mesu de Carmelo.
Unu traballu comintzsdu deretu istontonadu dae Antibioticos e drogas contra su dolore. Dies de patimentu chi sighint galu oe.
Su traballu l’apo sighidu in bidda finas a Zovia Lardajola, colada male e ocannu puru brinchiada sa Sortilla de sos Tumbarinos, e sas primas dies de Marthu.
Bortande su Testu dae s’Italianu apo manizadu su limbazu de cada die e “Gergale”, de su mundu de sos Palos. In s’83 apo bendidu su caddu nigheddu, Roy Renè, pro mesu de amigos de Aristanis a ateros amigos de Siena. In s’Agustu de su 75, Militare in sa Burvulera de Rapolano e Sinalunga, soe andadu a biere su Palu pro sa prima borta, Birra e sudore e ampullas prenas de pissiu in mesu a sa Pratha, cotura longa de 2 dies in mesu de zente prus maca de nois, su prus cun e paris a sardos chi traballavant in Cubiles e Iscuderias a furriu de Siena.
A pustis totu sa zoventude mi l’apo colada cun e in mesu de Caddos e galu como , si capitat, atrivimus.
A mimi su libru e s’istoria est agradat meda cha contat sa vida de sos pithinnos modios dae Sardinna ifatu a unu Visu, cussu de currere in Su Palu de Siena e essèrede Numenados. Medas los apo connotos, callecunu at curtu carchi caddu meu, in Sa Itria Gavoi e Bultei, e est arrumbadu amigu in su tempus, Massimo Coghe, e ateros chi como nn mi venint a sa conca chi si sacrificant cada die pesande a sos impuddiles a illimpiare iscuderias, ponnere a gustare e buchistrigliare Caddos e a los aprontare a sas cursas.
S’urtimu chi apo connotu Titia Atzeni presentadu dae Pepe Costeri.
Finidu su Coronavirus ispero de de crompere a Siena cun Mauro Ardu parente, a acatare a Carmelo, a Marco e Eleonora.
