ANTIGOS GOSOS
Pro sos Santos Martires Turritanos
Gavinu, Brotu e Zuniari

Cun devota umilidade
Bos pregamus totu gantos.
De Cristos Martires santos
Pro custu regnu pregade.

Sa Provinzia Turritana,
Bos amat agradessida,
Ca l’azes dau sa vida
Cun sa legge cristiana:
Lassende cudda pagana
E zega zentilidade
De Cristos Martires santos…

Sa Provinzia e Regnu totu
Bos prestat cultu e onore,
Pro su divinu favore
Chi dae ois hat connotu;
E cun animu devotu
Bos faghet festividade
De Cristos Martires santos…

Pro custu e pro medas donos
Dae oisaccansados,
Sezis totos tres giamafos
Ispeziales Patronos;
Cun musicas e cun sonos
De prima solennidade.
De Cristos Martires santos…

Pro sa virtude notoria
E signalada costanzia,
Contra s’astuta arroganzia
Barbarina e illusoria;
Bos cantamus sa vittoria
Cun tota umilidade.
De Cristos Martires santos…

Zuniari santu e Brotu,
Martire santu Gavinu,
In su celeste caminu
Chi azis mustradu a totu;
Azetade custu votu
Custa bona volontade.
De Cristos Martires santos…

O celestes capitanos,
Gavinu, Brotu e Zuniari,
Chi senz’arma e ne dinari
Sezis victores Romanos;
De sos impios paganos
E barbara crudelidade.
De Cristos Marires santos
Pro custu regnu pregade.

(In foto i simulacri dei Santi Gavino, Proto e Gianuario, Martiri Turritani.
Festeggiati anche a Gavoi il 25 ottobre)

Segnalato da Marina Pira